Минзәлә районында авариядә йөкле хатын-кыз һәлак булган. «Татар-информ» хәбәр иткәнчә, «Киа» машинасы зур тизлектә барган килеш юл кырыена чыга һәм баганага бәрелә. Машина белән 40 яшьлек ир-ат идарә итә.
Дәүләт автоинспекциясе белешмәсе буенча, җиңел машина пассажиры – йөртүченең хатыны – урында ук үлә. Ул йөкле була.
Авариядә бу гаиләнең 1 яшь 7 айлык кызы имгәнә. Ул балалар креслосында булган.
Машина йөртүчене һәм кыз баланы Чаллыга хастаханәгә алып киткәннәр.
