«Татар-информ» хәбәр итүенчә, Минзәлә районының Югары Тәкермән һәм Түбән Тәкермән авыллары арасында юл читеннән барган 3 яшүсмер малайны «Тойота» автомобилендәге хатын-кыз бәрдереп үтергән.
Алар барлыгы бишәү була, ике авыл арасындагы дамбадан юл читеннән баралар. Каршыга килгән «Тойота Камри»дагы кыз, идарәне югалтып, аларны бәрдерә. 13, 13, 17 яшьлек малайлар үлә. Икесе исән кала, дип яза «Мэш иптәш».
Татарстан прокуратурасы тикшерү уздыра. Әлегә бу вакыйга рәсми расланмады.