Минзәлә районында коточкыч авариядә биш кеше имгәнгән
Аларның барысын да якындагы хастаханәгә алып киткәннәр.
Татарстанның Минзәлә районында М7 трассасында коточкыч юл һәлакәте булган. Биредә биш кеше имгәнгән. «Татар-информ» агентлыгы шул хакта яза.
Биредә ике җиңел машина кара-каршы бәрелешкән. Аларның икесенең дә алгы өлешләре яньчелеп беткән диярлек.
Шаһитлар хәбәр иткәнчә, авариядә биш кеше имгәнгән, аларның барысын да якындагы хастаханәгә алып киткәннәр.
