Минзәләдә парашютчылар утырган самолет егылып төшкән - 19 кеше һәлак
L-410 самолеты күтәрелеп китүгә үк радарлардан югала.
Минзәләдә парашютчылар утырган L410 самолеты егылып төшкән. Анда 22 парашютчы булган, дип хәбәр итә "Интерфакс".
Самолет күтәрелеп китүгә үк радарлардан югала.
112 хәбәр итүенчә, 19 кеше һәлак, 3 кеше тән җәрәхәтләре алган. Самолетның очучылары вафат. Исән калучылар - пассажирлар.
Лайф җиде кеше исән калган дип хәбәр итә.
Фаҗиганең ике сәбәбе карала - очучы хатасы һәм самолетка күп кеше утыру.
Фаҗига булган урынга Татарстан Президенты Рөстәм Миңнеханов килде. 11 октябрь Татарстанда мәтам көне дип игълан ителде.
