Олимпия чемпионкасы, татар кызы Алинә Заһитова социаль челтәрләрендә искиткеч матур видео белән уртаклашты. Ул Байкал күле өстендәге бозда фигуралы шуа.
«Видеоны карап туеп булмый! Ничек туктарга?», «Син «йолдыз» булырга туган», «Синең һәр хәрәкәтеңдә – матурлык тылсымы», «Күңелләр тулды», – дип яза Алинәнең аудиториясе.
«Байкал бозы, борт артында -30. Ә сез хыялыгыздагы проект хакына нәрсәгә әзер?» – дип язган Алинә.
