Татарстан Рәисе Рөстәм Миңнеханов «Нәфис Косметикс» компаниясендә булган. Бу хакта Татарстан Рәисенең матбугат хезмәте җитәкчесе Лилия Галимова телеграм-каналында яза.
Рөстәм Миңнеханов экспозициядә заводның музеен караган.
«Балачакта сезнең сабын нинди иде? Рөстәм Миңнеханов «Нәфис» музеенда заводта ясалган беренче продукцияне карый», – дип яза ул.
«Татар-информ» белешмәсе буенча, компания тарихы бертуган Крестовниковларның 1855 елда нигез салынган стеарин-шәм заводыннан башлана. Оешма 1856 елда ук сабын да җитештерә башлый.