Якындагы елларда Россиядә ана капиталы күләме 1 млн сумнан артып китәчәк. Бу хакта РФ хезмәт һәм социаль яклау министры Антон Котяков белдерде. ТАСС шул хакта яза.
«Ана капиталы ел саен индексацияләнә, һәм якындагы елларда ул 1 млн сумнан артып китәчәк», – ди федераль ведомство җитәкчесе.
«Бу, минемчә, торак программаларында катнашырга, торак сатып алу өчен беренчел кертемне формалаштырырга ярдәм итә торган бик әһәмиятле ярдәм», – ди ул.
Министр ассызыклаганча, күп балалы гаиләләр өченче бала туганда ипотека түләү өчен тагын 450 мең сум алу мөмкинлеге бар.