MINGAZOV кавер-төркеме солисты Ильяс Минһаҗев бүген колагына операция ясаткан. Артистның балачагыннан бирле бер колагы начар ишетә икән.
Язылучылары аның бу диагнозы белән ничек җырлый алуына әле дә шакката.
Туганы Айгөл сүзләренчә, операция уңышлы үткән. Димәк тиздән MINGAZOV кавер-төркеме безне тагын яңа чыгышлары белән сөендерәчәк.
MINGAZOV кавер-төркеме 2018 елда барлыкка килгән. 2020 елда төркем Татарстан Республикасы Президенты Рөстәм Миңнеханов ярдәме белән «Барс Медиа» үткәргән «Яңа йолдыз» телевизион проектының финалисты булды.