"Мин татарча сөйләшәм!" җанлы музыка бәйгесендә быел кемнәр катнаша?
Социаль челтәрдә "Мин татарча сөйләшәм!" җанлы музыка бәйгесе барганын беләсезме? Бәйгенең максаты - татар музыкасының асылын яңача ачарга омтылучы, аны заманчалаштырырга тырышучы яшьләрне барлау һәм халыкка таныту.
Бәйгедә быел 9 иҗатчы катнаша, алар арасында аерым музыкантлар да, төркемнәр дә бар. Әлегә алар социаль челтәрдә көч сынаша һәм аларга сез дә ярдәм итә аласыз.
Һәммәсен карап чыгып, күңелегезгә хуш килгән җырга тавыш бирүегез сорала. Вәгъдә итәбез: әлеге җырлар аркылы сезгә татар музыкасының тагын әллә ничә төре ачылыр, сез шаккаттачаксыз!
Иң күп тавыш җыйган иҗатчыны 26 апрель көнне Бауман урамында узачак "Мин татарча сөйләшәм!" фестивалендә күреп булачак.
Әйдәгез, яшьләргә канат куйыйк, аларга тавыш бирик!
"Мин татарча сөйләшәм!" җанлы музыка бәйгесендә катнашучылар
1. Abadeli - Zaman (Татар халык җыры)
2. Kazan World. Татар халык җыры "Нигә яна йөрәгем".3. Радик Мусин
4. Илнар Шәрәфетдинов. "Җилфер-җилфер җил искәндә".
5. Гүзәл Камалова
6. Илдар Харисов.
7. Ramilya Up. "Бәллүр чыклар"
8. Лилия Галиева
9. Айрат Мәрдәмшин.