Илдус Садыйков дигән музыкант егет социаль челтәрдәге сәхифәсендә хатын эзләве турында хәбәр итә. Ул әти-әнисе, әби-бабасы өйләнергә үгетләве турында видео төшергән. Аны «кайчан өйләнәсең», «сиңа 30 яшь бит инде», «балалар кайчан була» кебек сораулар белән якыннары аптыратып бетергән.
Музыкант, аптырагач, социаль челтәрдәге сәхифәсенә «Кайда син тиң ярым?» дип тә язган.
Сөйгәнен көтеп яшәүче кызлар шактый җыелган. «Мин монда!» дип хәбәр биргән алар. Әмма музыкант кызларга җавап бирмәгән. Күрәсең, якыннары аптыратканга гына кыз эзләргә булган.
«Күпме кызлар «монда» дип тора да бит, үзең сайланасың», «Мин монда җаным, сине көтәм. Үзең генә әллә кайларда йөрисең», – дип аптырап язган кызлар.