Тугыз яшьлек малай тормышының иң зур ачышын ясаган – 200 миллион еллык моллюск тапкан.
«BBC News» хезмәте хәбәр итүенчә, Бөекбританиядә яшәүче Илай исемле малай гаиләсе белән пляжда йөргәндә, таш булып каткан моллюск тапкан. Экспертлар фикеренчә, аның сакланып калуы – уникаль күренеш, һәм бу таш сатуда йөзләгән миллионнар торырга мөмкин.
Аммонитлар – дөньядан юкка чыккан диңгез моллюсклары. Алар палеозой һәм мезозой чорында, 400-66 млн ел элек яшәгәннәр. Үзенчәлекләре исә спираль рәвешендә борылып килүләрендә.
Илайның әтисе әйтүенчә, улы белән еш кына ташлар, таш булып каткан тарихи табылдыклар эзләп йөриләр икән.
Менә шулай, ташлар карап йөргәндә, очраклы гына миллионер булып куярга да мөмкин.