Һинд миллионеры үзенең яраткан этенә, хезмәтчесенә һәм пешекчесенә 100 миллион доллардан артык байлык калдырган.
Эшмәкәр Ратан Тата 86 яшендә Мумбаида вафат булган. Аның үлеменнән соң туганнары көтелмәгән яңалык ача: миллионер байлыгының күп өлеше немец овчаркасы Титога, хезмәтче һәм баш ярдәмчесе Конар Суббиахка һәм пешекче Раджан Шоуга мирас булып кала. Титоның абыйлары һәм апаларына милекнең бер өлеше генә эләгәчәк, дип яза «База» телеграм-каналы.
Васыятьтә Титоның яраткан хайванына «чикләнмәгән күләмдә кайгырту» күрсәтелергә тиешлеге язылган. Миллионер гомере буена хайваннар яраткан. Ул өйләнмәгән һәм балалары да юк.
Ратан Тата үзенең карьерасын «TISCO» дигән гаилә предприятиесендә 1967 елда башлаган, хәзер ул «Tata» буларак билгеле. 1991 елдан Ратан Тата империя белән идарә итә башлый – бу еллар эчендә тоз һәм корыч җитештерү белән шөгыльләнгән предприятие 100дән артык компанияне берләштерә торган группага әверелгән.