Миллион сумын мошенникларга илтүче Ләйләне машина бәрдергән, ул барыбер акчасыз калган

Мәскәүдә бик тә аянычлы вакыйга була: мошенникларга акча илтергә баручы Ләйләне машина бәрдереп китә, әмма ул барыбер миллион сумын чит кешегә биреп җибәрә.

13 ноябрьдә 67 яшьлек Ләйлә ханымга телеграммда Ольга исемле хатын яза һәм ФСБ киләчәге турында кисәтә, дип яза «База» телеграм-каналы. Медицина көллияте укытучысы булып эшләүче хатын-кыз аңа директор яза дип уйлый. Берникадәр вакыттан соң аңа чыннан да шалтыраталар, элемтәгә кергән кеше үзен ФСБдан Вадим Викторович Куприянов дип таныштыра. Ул Ләйләне Россиядә тыелган оешмага акча күчергән булуына ышандыра.

Икенче көнне иртән тагын шалтыраталар – бу юлы Үзәк банк хезмәткәре. Аның киңәше буенча Ләйлә банктан 1,1 миллион сумлык кредит ала, аннары шушы акчаны «куркыныч янамый» торган счетка күчерергә тиеш була. Планның соңгы өлешен үтәп йөргән вакытта, Ләйлә банкоматка йөгергәндә, аны машина бәрдереп китә.

Мошенникларны бу вакыйга да туктатмый. Хатын-кыз Боткин хастаханәсендә ятканда, кабул итү бүлмәсенә аның янына «әбисе» килә, шок хәлендә булган Ләйләнең акчасын ул тыныч кына һәм бер проблемасыз алып китә.