Милли китапханәдә Муса Җәлилнең исән чактагы басмаларын электрон вариантта карап була
Татарстан Республикасы Милли электрон китапханәсе порталында (ТР МЭК) күренекле татар шагыйре, Советлар Союзы Герое Муса Җәлилнең исән чагында аерым басма булып нәшер ителгән китапларының электрон коллекциясе барлыкка килде. Бу турыда Татарстан Мәдәният министрлыгы матбугат хезмәте хәбәр итте.
Коллекция өчен сканерланган басмалар Татарстан Республикасы Милли китапханәсенең татар әдәбияты һәм туган якны өйрәнү бүлеге фондларында, шулай ук кулъязмалар һәм сирәк китаплар бүлеге фондларында саклана.
Китапханә электрон вариантта рус һәм татар телләрендә барлыгы 12 җыентык тәкъдим ителә.