Данир Саибровның хатыны Миләүшә социаль челтәрдәге сәхифәсендә шарлотка рецептын тәкъдим итә, ләкин ул гади түгел, ә файдалы итеп пешерү сере белән уртаклаша.
Шарлоткада шикәр, глютен һәм лактоза юк.
Ингредиентлар: 2 йомырка, 50 грамм атланмай, 200 мл кокос сөте, 1 кап көпшәкләндергеч яки аш серкәсе белән сүндерелгән сода, 2 аш кашыгы стевия (шикәр комы салырга була), 5 аш кашыгы бадәм (миндаль) оны, чама белән яшел карабодай оны.
Ингредиентларны бергә салып яхшылап болгатырга, соңыннан бадәм оны һәм карабодай онын кушып, каймак сыеклыгында ясарга.
Миләүшә Сабирова лайфхак белән дә уртаклашты, әгәр пергамент кәгазен тулысынча юешләп сыксаң, ул табага тигез итеп ята икән.
Пергаментны үсемлек мае белән майларга, телемләп туралган алманы тезәргә һәм өстенә камырны җәяргә.
Шарлотка 180 градуска кадәр кызган духовкада 1 сәгать пешә.