Журналист, профессор, Татарстанның атказанган сәнгать эшлеклесе Миләүшә Айтуганова Тинчурин театрында булып кайтканнан соң, социаль челтәрдә хис-кичерешләре белән уртаклашкан.
«Сәлам, дуслар! Кәрим Тинчурин театрында «Мәдинә» спектаклен карадым бүген. Шок хәлендә кайттым өйгә!
Юл буе уйландым: көтелмәгән вакыйгалар, фәлсәфи, тормышчан... Менә бу актёрлар спектакльдән соң сыгылган лимон кебек (фотога ишарәләп – авт.) булалар инде. Образларны тудыру өчен күпме энергия, көч түгелә. Резедә Сәләхова – син талант!!!
Барып карагыз, җәмәгать. Кем әйтмешли, йөз тапкыр ишеткәнче, бер тапкыр күрүең хәерлерәк», – дигән Миләүшә ханым.
Аның белән җырчы Айгөл Бариева да килешкән: «Әйе, көчле спектакль!» – дигән.
«Ул Резедә Сәләховага халык артисты исемен бирергә кирәк инде», – дип тәкъдим иткән берәү.
Резедә Сәләхова үзе исә: «Рәхмәт, кадерле Миләүшә Ләбибовна!» – дип комментарий калдырган.
