Мамадыш районы Олыяз авылында яшәүче Гөлнара Галимуллина социаль челтәрдәге сәхифәсендә миләштән джем ясарга өйрәткән. Ул кайнатма ясар алдыннан миләшне өшетеп алырга киңәш итә.
Ингредиентлар: 1,5 кг миләш, 2 кг шикәр комы, 2 әфлисун, 1 лимон, 1 стакан су. Барысын да иттарткычтан чыгарып, калын төпле савытта шикәр комы салып әйбәтләп болгатырга, газга куярга. Кайнап чыккач, сүрән утта 40-45 минут кайнатырга, болгаткалап торырга.
Әзер кайнатманы салкында сакларга.
Фото: © Гөлнара Галимуллина
