Миләшнең мең төрле файдасы бар?
Кызыл миләш күптөрле дәвалау үзлекләренә ия. Аны халык медицинасында атеросклероз һәм гипертоник авыруларны дәвалау өчен файдаланалар.
Кызыл миләштә С һәм К витаминнары, микроэлементлар күп, дип хәбәр итә «Народный доктор» сайты. Анда шулай ук каротин һәм Р витаминнары да бар.
Миләш төнәтмәсе дизентерияне дәвалау өчен дә кулланыла. Ашказаны, эчәк авырулары вакытында аннан төнәтмә ясап эчәргә киңәш итәләр. Миләш суы бөердән ташларны чыгару өчен дә файдаланыла. Азканлылыктан җәфаланган кешеләргә, кан басымын нормада тоту өчен дә миләшне кулланырга киңәш итәләр. Көненә 10 миләш ашасаң, сәламәтлек белән бәйле проблемалар булмаячак, ди белгечләр.
