Миләүшә Сибгатуллинадан тутырылган борыч рецепты
«Туган тел» телеканалының Казан филиалы директоры эчлеккә гөмбә дә салырга тәкъдим итә.
Тутырылган борыч өчен ингредиентлар: татлы борыч, шампиньон гөмбәсе, дөге, иттарткычтан чыгарылган ит, атланмай, тоз, борыч
Беренче эш итеп борычларны юарга, төбен капкач итеп кисәргә, эчен алырга.
Дөгене бүрттерергә, гөмбәне турарга һәм атланайда кыздырырга. Кызган гөмбә өстенә дөге, фарш, тоз, борыч кушып болгатырга.
Әзер эчлекне борычларга тутырырга. Кечкенә кисәк атланмай да салырга була.
Мультиварка савытына борычлар яртылаш кына күмелерлек итеп су салырга һәм «тушение» режимында (30-35 минут) пешерергә.
Әзер борычларны яшелчәләр (черри помидоры, салат яфрагы, кукуруз) белән бизәргә.
«Кыш уртасында өстәлдә аллы-гөлле, шундый җете төсле ризыклар булса, ашавы да, яшәве дә күңелле», — ди хуҗабикә.
