Миләүшә Сибгатуллинадан кара җимешле һәм чикләвекле ризык рецепты
Чәй янына үзенчәлекле һәм тәмле ризык була.
«Туган тел» каналының Казандагы филиалы директоры Миләүшә Сибгатуллинадан чәй янына үзенчәлекле тәмле ризык рецептын тәкъдим итәбез.
Камыр өчен: 100 гр өй җылылыгындагы каймак, 100 грамм өй җылылыгындагы атланмай, 1 йомырка, 1 аш калагы шикәр комы, ярты чәй калагыннан әзрәк тоз, 1,5 чәй калагы коры чүпрә, чама белән он.
Эчлеге: юып, төше алынган кара җимеш, әстерхан, миндаль, кешью чикләвеге.
Кара җимеш эченә төрле чикләвекләр тутырырга.
Камырны җәяргә, бер рәт «чикләвекле җимешләрне» тезәргә һәм рулет итеп төрергә
Татлы ризыкның өстен йомырка сарысы белән майларга һәм мәк тә сибәргә мөмкин.
Духовкада өсте килгәнче пешерергә.
Чәйләрегез тәмле булсын!