Пародия остасы Данир Сабировның хатыны Миләүшәдән ресторанча сырник пешерү рецептын тәкъдим итәбез.
Барлык ингредиентлар да чама белән алына. Алар - эремчек, йомырка, шикәр комы, каймак, он.
Барлык ингредиентларны яхшылап болгатырга һәм уртача зурлыкта шарлар ясарга. Аннары аларга форма бирү өчен тактага он сибәргә, шунда сырникны куярга һәм өстенә стакан куеп, форма бирергә.
Майлы табага салып ике ягын да кыздырырга.
Әзер сырникларны җиләк-җимеш, төрле джемнар белән бизәргә мөмкин. Табынга каймак белән бирергә була.