Миләүшә Айтуганова кар көрәүнең күңелле ысулын уйлап тапкан
Ул көрәкне кар кызы ясауга алыштырган.
Татарстанның атказанган сәнгать эшлеклесе, «Татаркино» оешмасы директоры Миләүшә Айтуганова шәхси йортта яши һәм еш кына инстаграм сәхифәсендә кар көрәгәнен күрсәтә.
Быел кар күп булу сәбәпле, көрәк белән карны чистарту ардырган да, туйдырган да, күрәсең. Ул бу эшне кызыклырак итеп башкарырга булган.
Видеода күренгәнчә, Миләүшә Айтуганова кар тәгәрәтә. «Кар көрим әле мин шул рәвешле. Көрәк белән эшләгәнче, кар кызы ясарга булдым. Лайфхак», — ди ул.
«И, яратам, шундый күңелле кешеләрне», «Супер», «Абау, балачакка кайтабыз» кебек комментарийлар калдырган инстачылар.
