Метро турникетыннан сикереп чыгарга маташкан ир-ат муенын сындырган
Акча түләмәс өчен кагыйдә бозган кеше һәлак булган.
Американың Нью-Йорк шәһәре метросында бер ир-ат һәлак булган. Ул акча түләмәс өчен, турникеттан сикереп чыкканда егылган. Бу турыда Daily News басмасына сылтама белән РЕН ТВ хәбәр итте.
28 яшьлек Кристофер Де Ла Крус 2,75 доллар акчасын янга калдыру өчен, җир асты транспортына «куян» булып керергә тели. Ул берничә тапкыр турникет аша сикермәкче була.
Бер мизгелдә ир-ат тигезлеген югалта, барьер аша егыла һәм башы белән аска төшеп китә.
Урынга килгән табиблар ир-атның үлүен раслый, диелә хәбәрдә.
