Мессенджерларда "Бөгелмәдә балаларга пычак белән һөҗүм итүче кеше йөри" дигән хәбәр тарала
Балаларга һөҗүм итү турындагы хәбәр социаль челтәрләрдә, мессенджерларда таралды.
Соңгы көннәрдә социаль челтәрләрдә таралган хәбәр күпләрне куркуга салган. Имеш, Бөгелмә районында пычак тоткан ир-ат балаларга һөҗүм итә. «Бөгелмә газетасы» сайты бу вакыйгага ачыклык кертү өчен полициягә мөрәҗәгать иткән.
Балаларга һөҗүм итүче ир-ат турында Бөгелмә полициясенә гариза килмәгән. Россия Эчке эшләр министрлыгының Бөгелмә районы буенча идарәсе гражданнарны борчылмаска чакыра. Мессенджерларда әлеге хәбәрне таратмаска өндиләр. Полиция хезмәткәрләре бу хәбәрнең ялган булуын белдерә.
