Мессенджерларда бүреме, башка ерткычмы буган сарык видеосы таралды. Аны «Камышлы»да дип хәбәр итәләр. Бу Самара өлкәсенең Камышлы районымы, әллә инде Кукмара, Азнакайның Камышлы авылымы, бөтенләй башка якмы – ачыклый алмадык.
«Кичә бер очрак булды. Бүген иртә белән чыгу белән буып киткәннәр. Дүрт зур сарыкны буып салган. Муенында гына тишек, бүтән җиренә тимәгән. Кечкенә генә ярыктан кергән. Нинди җанвардыр. Сарыкларыгызны, чебиләрегезне, бозауларыгызны, сыерларыгызны да саклый күрегез берүк», – дип сөйли бер абзый.
Кайсы якта икәнен белсәгез, хәбәр итсәгез иде.