Башкортстан юлында авариядә 2 кеше һәлак булган. «Мерседес» тәгәрмәче тишелгән, һәм юл һәлакәте килеп чыккан. Бу турыда «Башинформ» хәбәр итте.
Ярмәкәй районындагы авария 9 ноябрьдә көндез Рәтамак-Яңа Сүлле юлында була.
Якынча белешмә буенча, «Мерседес GL 450» белән 49 яшьлек ир-ат идарә итә. Машина барган килеш юл кырыена әйләнеп каплана.
Машина йөртүче «ашыгыч ярдәм» килгәнче үлә. Салондагы 47 яшьлек пассажир хатын-кыз кичке якта хастаханәдә вафат була.
Бер версия буенча, юлдан барганда машинаның арткы тәгәрмәче тишелә, һәм авария килеп чыга.
«Машина йөртүче моңа кадәр, исерек килеш рульдә булган өчен, машина йөртү таныклыгыннан мәхрүм ителгән булган. Авария вакытында ул иминлек каешын эләктермәгән», – дигәннәр ЮХИДИда.
Тикшерү эшләре бара, диелә хәбәрдә.
Фото: © https://www.bashinform.ru, Башкортстан буенча ЮХИДИ