Менопаузадан соң сөт бизе яман шеше килеп чыгуның сәбәбе билгеле

Иллинойс университеты галимнәре хатын-кызлар канындагы майлы кислоталар сөт бизе яман шешен китереп чыгара алуын раслаган. Менопаузадан соң яман шеш очракларыкүбәюе шуның белән бәйле, дип яза Лента.ру.

Белгечләр менопаузадагы хатын-кызларны тикшергән, аларның 37сенең авырлыгы нормада булган, 63ендә симерү билгеләре күзәтелгән, 21 хатын-кызда башта симерү булган, аннары алар ябыккан. Майлы кислоталар авырлыгы нормадан югары булган хатын-кызларда күбрәк булуы ачыкланган. Хатын-кызлар ябыга башлагач, бу матдәләр дә кимегән.

Шуннан соң галимнәр шеш һәм метастазалар китереп чыгарган клеткаларга симезлектән интегүче хатын-кызлар канын кушып караганнар. Нәтиҗәдә яман шешле тукымалар тагын да куәтләнеп үсә башлаган.

Сөт бизе яман шеше хатын-кызларда иң еш очрый торган рак төре. Елына 800 меңләп хатын-кызда табыла.

Комментарийлар (0)