Рэпер Альберт Нурминский Казан кооператив институтын тәмамлап, диплом алган. Яңалыгын ул социаль челтәрләрдә җиткерә.
«Менә ул мин хыялланган диплом. Барлык укытучыларыма зур рәхмәт белдерәсем килә. Безнең институтка килегез. Ә мин магистрлыкка укуымны дәвам итәчәкмен.Тагын ике елым калып бара», – дип сөйләгән ул сторисларында.
Альбертның дипломы кызыл төстә икәнне әйтеп китү дә кирәк.
Шулай ук соңгы вакытта гел русча гына җырлаучы рэпер шәп хәбәр белән сөендерә. Август аенда Нурминскийның татар телендәге җыры дөнья күрәчәк. Аңа клип төшерергә дә ниятлиләр.