«Менә ул мәхәббәт» — Әнвәр Нургалиев үзен «үлеп» яратучыны күрсәтте
Әнвәр Нургалиев инстаграмга бик матур, җылы видео куйган.
Моннан берничә ел элек Әнвәр Нургалиевның Яңа Уренгойдагы концертында сәхнәгә бер кызчык чәчәк бирергә менгән.
Кечкенә Әдилә Әнвәр Нургалиевны кысып-кысып кочаклый, аның кулыннан да төшми.
«Күрәсезме, менә шушы инде ул мәхәббәт. Алып китәм кызыгызны», — ди җырчы.
Видеоны Әнвәр Нургалиев инстаграм сәхифәсенә урнаштырган.
«Ә сез бу сөйкемле кызны хәтерлисезме? Ул инде үскәндер. Әдиләне, Аллаһы бирса, тагын концертта күрергә өметләнәм», — дип язган ул инстаграмга.
«Әнвәр абый, рәхмәт. Әдилә быел беренче сыйныфка укырга бара. Хәзер дә сезнең җырларны яратып тыңлыйбыз. Концертларыгызда, һичшиксез, күрешербез», — дип комментарий калдырган Әдиләнең әнисе.
Кызчыкны инстачылар да ошаткан. «Нинди мөлаем бала», «Шундый матур, җылы күренеш», — дип язганнар.
Әлеге видеодан гаеп эзләүчеләр дә булган.
«Әнвәр, шул балалар сезне яратып концертыгызга килә, сәхнәгә чыга. Ник шуларга кечкенә шоколадлар алып килмисез. Нәрсәгә аларга сезнең календарегез?»;
«Балаларга бер кечкенә шоколад бирегез инде, аңардан гына кимемәссез»;
«Балаларга сезнең логотип куелган йомшак уенчык бирергә кирәк»;
«Бик дөрес әйтәсез. Шоколад бирсәгез, әйбәтрәк була ул сабый балаларга. Күпме йөреп, бер артистның да шоколад биргәнен күргәнем юк. Гел акча җитми аларга», — дигәннәр.
Хәтта: «Бу кыз әтисен тапкандыр», — дип тә язганнар.
«Сез үз кызыгызга әти эзлисездер. Ә безнең барлык әтиләргә үрнәк булырлык әтиебез бар. Комментарийны бераз уйлап языгыз. Бигрәк пычрак икән күңелегез», — дип җавап кайтарган ул инстачыга Әдиләнең әнисе.