Медиклар: Коронавирусның «Һиндстан» штаммы эч китеп һәм косып башланырга мөмкин
Бу симптомнар моңа кадәр булганнарына өстәлә.
Пульмонолог Алексей Никишенков коронавирусның «индийский» дип аталган штаммы — ул «Дельта» дип аталды — эч бозылу белән башлануын әйткән.
«Соңгы арада „Дельта“ штаммы тарала, авыручылар эч бозылуга — диареия, эч авыртуга зарлана», — ди табиб «ТАСС» агентлыгына.
Медиклар бу штаммны «ашказаны ковиды» дип тә атыйлар икән. Моңа кадәр билгеле булган симптомнарга ашказаны авыртуы өстәлде — эч авырту, эч китү, косу күзәтелә».
Бу симптомнар моңа кадәр булган симптомнарга — йөткерү, хәлсезлек, тән авыртуга өстәлә. Шулай ук температура да күтәрелә.
Һиндстан штаммы былтыр октябрь аенда Һиндстанда теркәлде. Бу штамм элекке коронавируска караганда йогышлырак санала.