Барлык язмалар news_header_top_970_100
news_header_bot_970_100

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Майда кыздырылган суган пәрәмәче

Язын иң популяр ризыкларның берсе - суган пәрәмәче, суган бәлеше. Бакчада көздән утыртылган суганның ямь-яшел кыяклары үсеп чыкты, димәк, суган пәрәмәче пешерү өчен иң кулай вакыт.

news_top_970_100
Майда кыздырылган суган пәрәмәче

Беренче эш итеп камыр куярга. Камыр җиңел булсын өчен суга гына басарга. Ярты стакан җылымса суга бер бал кашыгы шикәр комы, 5 грамм коры чүпрә салып болгатырга һәм күпертеп алырга. Аннары тагын бер стакан җылымса су, ике йомырка, 100 грамм ак май, 0,5 бал калагы тоз, чама белән он салып камыр басарга. 1,5 сәгатькә җылы урынга кабарырга куярга.

Эчлек өчен: яшел суган, 4 йомырка, 4-5 кашык эретелгән ак май, чама белән тоз.

Вак җәймәләргә 1,5 аш кашыгы эчлек салып пәрәмәчләр ясарга.  Пәрәмәчнең яртысы күмелерлек күләмдә үсемлек маен кыздырырга, акрын гына пәрәмәчләрне майга салырга, ике ягын да кыздырып алырга һәм артык маен саркыту өчен калын салфеткаларга куярга.

Кабарып пешкән суган пәрәмәчләре бик тәмле булачак.



Комментарийлар (0)
Калган символлар:
news_right_column_1_240_400
news_right_column_2_240_400
news_bot_970_100