Махсус операциядә катнашучыларга һәм аларның балаларына вузларда квота кертелә
Россия президенты Владимир Путин махсус хәрби операциядә катнашучылар һәм аларның балалары өчен вузларда квота кертү турында карарны имзалады. Бу хакта үзгәрешләр «РФ Мәгарифе турында» законга кертелә.
Россия Герое һәм Батырлык орденының 3 дәрәҗәсе белән дә бүләкләнгән затлар вузларга имтиханнардан башка гына да кабул ителәчәк. Аларга 10 процент квота карала.
Шулай ук сугыш хәрәкәтләре булган урыннарда яраланган, имгәнгән, контузия алганнарның балалары өчен дә университетларда 10 процентлы квота кертелә. Алар өстенлекле шартларда кабул ителәчәк.
