Махсус операциядә катнашкан журналистлар һәм аларның туганнары – күргәзмәдәге фотоларда

Россия матбугаты көненә «Татмедиа» АҖ махсус хәрби операциядә хезмәт итүче хезмәткәрләре һәм аларның туганнары турында күргәзмә әзерләде. Аны шулай атаганнар да – «Татмедиа» СВОда.

Экспозицияне беренче тапкыр ТР Дәүләт Советы Рәисе Фәрит Мөхәммәтшинның массакүләм мәгълүмат чаралары вәкилләре белән очрашуында күрсәттеләр. Күргәзмәдә хәрбиләрнең тарихлары һәм фотосурәтләре төшерелгән 18 стенд тәкъдим ителгән.

Фәрит Мөхәммәтшин махсус операция зонасында эшләүче журналистларга рәхмәт белдерде.

«Ватанны саклаучыларга, махсус хәрби операциядә катнашучыларга ярдәм итүдән читтә калмаганыгыз өчен, алар турында, шулай ук яңа регионнарда һәм безнең шефлыкка алынган Лисичанск һәм Рубежное шәһәрләрендә яшәүчеләргә ярдәм итүчеләр турында сөйләгәнегез өчен ихлас рәхмәт сүзләрен кабул итегез», – дип ассызыклады Фәрит Мөхәммәтшин.

«Беренче ел бик авыр булды, элемтә юк диярлек иде, хәзер инде ешрак сөйләшәбез»

Фотокүргәзмә проекты авторы – «Татмедиа» АҖ генераль директоры урынбасары Наталья Рәҗәп-Алиева. Аның ире Юрий Светкин – 2022 елдан бирле махсус хәрби операция зонасында. Башта ул анда мобилизация буенча эләккән, ә хәзер контракт буенча артиллерия бригадасында хезмәт итә.

«Беренче ел бик авыр булды, чөнки айлар буе элемтә булмады. Хәзер инде ешрак элемтәгә чыгабыз, шуңа күрә күңел бераз тынычрак. Әлбәттә, бу – зур борчулы вакыт, бөтен җирдән мәгълүмат эзлисең, военкорларның телеграмма-каналларын өйрәнәсең, массакүләм мәгълүмат чараларын укыйсың. Аллага шөкер, ирем исән һәм сәламәт», – дип уртаклашты Рәҗәп-Алиева. – Минем иремә барлык физик һәм рухи авырлыкларга түзәргә ныклы холкы ярдәм итә, – дип өстәде ул.

«Ирем физик һәм рухи яктан да түзә алмаган кешеләр турында бик еш сөйли. Бигрәк тә беренче елларны. Ә аңа бу вазгыять берничек тә йогынты ясамады. Ялга кайткач, беренче эш итеп, ул улы белән аквапаркка китте», – дип елмайды ул.

«Безнең өчен иң мөһим яңалык – «Физик» исән»

Фотокүргәзмәдә республиканың төрле районнарында эшләүче «Татмедиа» АҖ хезмәткәрләренең кыскача тарихлары тәкъдим ителгән. Шулар арасында «Мәгариф» журналының баш мөхәррире Гөлүсә Закированың энесе Илнур Закиров бар, ул махсус хәрби операция зонасында.

«Без һәрвакыт элемтәдә булырга тырышабыз, ләкин озак көткән атналар һәм айлар була. Әмма Илнур молодец, мөмкинлеге булу белән, безгә шалтыратырга тырыша. Аның «позывное» – «Физик». Һәм безнең өчен иң мөһим яңалык: «Физик» исән» дип әйтүләре, – дип әйтте Гөлүсә Закирова.

Аның энесе 2022 елның октябрендә мобилизацияләнгән һәм пулеметчы булып хезмәт итә. 2024 елның язында яралана, ләкин, реабилитациядән соң, яңадан СВО уздыру зонасына кайта. «СВО катнашучысы» медале белән бүләкләнде. Аның төп сыйфатлары – намуслылык, хезмәт сөючәнлек һәм максатчанлык. «Татар-информ» мәгълүматларына караганда, сугыш хәрәкәтләре вакытында ул берничә тапкыр, приказны үтәү һәм дусларын коткару өчен, үз гомерен куркыныч астына куйган.

«Мобилизация башлангач, ул повестка көтте. Повестка килмәгәч, үз теләге белән китте»

Фотокүргәзмәдә бер стенд Олы Кайбыч авылы сайты мөхәррире Сирина Билалованың абыйсы Рәмис Шәйхмәтовка багышланган. Ул штурм группасы командиры булып хезмәт итә һәм, сугышчан батырлыгы өчен, «Батырлык» орденына лаек була.

Рамис һәрвакыт патриот булды, һәм мобилизация башлангач, ул инде повестканы көткән иде, ләкин аңа повестка җибәрмәделәр. Ул үз теләге белән махсус операция зонасына китте, контрактка кул куйды. Ул бик кыю, көчле һәм ярдәмчел, хезмәттәшен беркайчан да бәладә калдырмаячак, – дип сөйләде хәрбинең сеңлесе Сиринә Билалова.

«Татар-информ» карамагына Рәмис Шәйхмәтовның кызы үзенең әтисе турында сөйләгән һәм очрашуны бик көткән видео эләкте.

«Бүген минем әти дөньяны һәм җирдә яшәүче барлык кешеләрне яклый. Ул безнең белән элемтәгә сирәк чыга, ләкин без түземсезлек белән аннан хәбәрләр көтәбез. Минем әтине нык итеп кочаклыйсым килә», – ди видеода кызы.

Рәмис Шәяхмәтов яралыларны ут астыннан эвакуацияли. Ул аларга беренче ярдәм күрсәтә һәм берничә яралыны үзе өстендә куркынычсыз урынга алып чыга алган. Шулай итеп, ул аларның гомерләрен саклап калган.

«Мин үземнең хәрби хәрәкәтләр зонасында булуымны аңлагач, бераз куркыта башлады»

Моңа кадәр «Татмедиа» филиалы – «Мамадыш-информ»да эшләгән Тимур Филиппушков ел ярымга якын махсус хәрби операция зонасында хезмәт итә. Хәзер ул – десант-штурм дивизиясендә наводчик.

«Башта авыр булды. Йөкләнеш авыр, ләкин әзерлек җитди иде. Көн саен ай дәвамында без гомуми гаскәр алымнарын, корал тотуны өйрәндек, күчмә комплекслар һәм гранатометлар белән эш итәргә өйрәндек. Мин үземнең хәрби хәрәкәтләр зонасында булуымны чынлап тойгач, башта аңлашылмады, аннары бераз куркыта башлады, мондый әйберләрне көн саен күрмисең бит. Ләкин соңыннан гадәткә керде. Без бик тиз ияләштек һәм психологик яктан бу хәлгә күнектек, хәзер инде барысы да гадәти», – дип сөйли Тимур.

Узган елның июнендә контрактка кул куюга кадәр Тимурның хәрби хезмәт тәҗрибәсе булмаган, әмма ул читтә кала алмаган. Эштән чыгарылганнан соң 1 атнадан яшь солдат Луганск өлкәсенең хәрби полигоннарының берсенә килә.

Соңыннан күргәзмә «Татмедиа» АҖ бинасына күчәчәк.

«Татар-информ»нан тәрҗемә