«Мәхәббәт өчпочмагы»н чишәргә маташканда, 3 кеше һәлак булган. Бу турыда «Вести» каналы хәбәр итте.
Якутск шәһәрендәге фатирда 3 кеше мәете табылган. Тикшерүчеләр белешмәсе буенча, биредә 24 һәм 44 яшьлек ике ир-ат, 31 яшьлек хатын-кыз һәлак булган. Җинаять эше ачылган.
Биредәге матбугат чаралары версиясе буенча, үтерү көнчелек аркасында килеп чыга. Тик бу версияне рәсми чыганаклар әлегә расламаган.
Имеш, өлкәнрәк ир-ат элек бергә яшәгән хатыны янына килә. Ул үзе белән 12нче калибрлы Benelli коралын ала.
Ир-ат килгән чакта, хатын янында 24 яшьлек егет була.
Көндәшләр үзара сөйләшеп, килешә алмый. Өлкәнрәк ир башта сөйгәнен атып үтерә, аннары хатынның яңа егетенә ата, шуннан соң үз-үзенә кул сала, диелә хәбәрдә.