Матурлык бәйгесендә җиңгән кыз сәхнәдә аңын җуеп егылган
Miss Grand International конкурсында Парагвайны тәкъдим иткән 25 яшьлек Клара беренче урынны алуын күтәрә алмаган.
Miss Grand International бәйгесе Мьянмада узган. Парагвайдан килгән 25 яшьлек Клара Cоса финалга үтә. Конкурс шартлары буенча ул сәхнәдә көндәше - Һиндстаннан килгән кыз белән кара-каршы басып тора. Жюри кем җиңгәнен әйтергә тиеш була. Кызлар кара-каршы шактый вакыт басып торалар - жюри тамашачыларның да, кызларның да "нервларын" шулай сыный. Клара Cосаның җиңүен игълан иткәч, ул бу бәхетне күтәрә алмый һәм сәхнәдә егыла. Көндәше аны тотып калмакчы була, әмма өлгерә алмый. Әмма барысы да уңышлы тәмамлана - Клара аңына килә һәм, күзләренә яшьләр тулган килеш, җиңүче таҗын кия. "Иң чибәр кыз" титулын алучы буларак, аңа 40 мең доллар (656 мең сум) бирәләр һәм бер бәйгене конкурсны оештыручылар белән бер еллык контракт төзиләр.