«Рубин» белән «Родина» клублары арасындагы матч вакытында стюардлар «Рубин» җанатары Тимур Хәйретдиновның бармагын сындырган.
Вакыйга икенче тайм вакытында була. Уен барышында фанатлар секторындагы трибунада җәнҗал чыга. Шул чакта стюардлар җанатарның бармагын сындыра. Аны полиция хезмәткәрләре 7 нче хастаханәгә илтә, бармакка гипс куялар. Аннары Тимурны тәртип бозган өчен тоткарлыйлар.
Хәйретдинов үз секторына утырмаган, аннары чыкмачы булган. Ләкин аны стюардлар тоткарлаган. Соңрак бу җанатарга ярты ел дәвамында матчларга йөрүне тыйганнар.
Хәзер клуб аны тренировкага чакырган. Бу турыда клубның матбугат хезмәтенә сылтама белән «Татар-информ» хәбәр итте.
Тимур «Рубин» матчларына 20 ел йөри икән. Шундый җанатарга истәлеккә футболканы клубның баш тренеры Леонид Слуцкий бүләк иткән.
- Узган якшәмбе көнне Казанда «Рубин» командасының Мәскәүдән килгән «Родина» командасына каршы матчы (2:0) Беренче лиганың беренче туры нәтиҗәләре буенча кеше иң күп җыелган матч булды. Бу турыда «Татар-информ» язды.