"Татар-информ" архивы
Бу турыда җырчы аэропортта аптырап утырганда виртуаль дусларына хәбәр иткән. Дөресрәге, озак аптырап тормаган ул, икенче рейска кадәр, кунакханәгә кайтып, яткан да йоклаган.
«Бер эшем юк, аэропортта утырам. Кичә Мәскәүгә килдем, матур итеп эшләдем, артыгы белән киткән, хәтта. Вакыт онытылган, самолётка соңга калдым, әлбәттә.
Бер тамчы борчылмадым. Кунакханәгә барып, хәлдән тайганчы йокладым. Аннары торып ашадым да, өч сәгать алдан аэропортка килеп утырдым.
Яр Чаллыга очам, туп-туры. Анда бер күркәмкәйнең туган көне, аны котлыйбыз. Миля, борчылма, мин җитешәм», – дип язган Иркә «смайлик»лар ярдәмендә көлә-көлә.
Җырчы сүзендә торган. Ул инде тиешле урынга тиешле вакытка, маҗаралар белән булса да, кайтып ирешкән.
