Екатеринбург шәһәрендә яшәүче ир-ат кар күмеп киткән машинасын казып чыгарган чакта һәлак булган. Бу турыда Лайф.ру хәбәр итте.
Фаҗига парковкадан чыга торган урында була. Машина кар көртенә чума һәм урыннан кузгала алмый. 63 яшьлек ир-ат, бик ашыккан булса кирәк, тиз генә машинасын чыгарырга маташа һәм бик дулкынлана, диелә хәбәрдә.
«Көрәк ала, казый башлый, бик борчыла – йөрәге чыдамый. Машинасының бамперы каршында вафат була. «Ашыгыч ярдәм» килгәндә, ул үзенең «Шевроле» машинасы каршында ята, янында көрәге дә була», – дигән шаһитлар.
Башта бу ир-атны узып баручылар коткармакчы була. Берсе «ашыгыч ярдәм» чакырганда, икенчесе йөрәккә туры булмаган массаж ясый. Ләкин аны коткара алмыйлар – урынга килгән табиблар ир-атның үлемен раслый. Мәете урамда 2 сәг чамасы яткан, диелә хәбәрдә.
Былтыр ел азагында Воронеж шәһәрендә шундыйрак очрак була. Ир-ат кар күмеп киткән машинасын казып чыгарырыга маташа, хәле китә. Аннары ул машинасы янына егыла да үлә, диелә хәбәрдә.