https://minsport.tatarstan.ru
Хай-дайвинг буенча Россия чемпионы Ләйлә Сәламова Карелиядә юл һәлакәтендә үлде. Фаҗига 12 гыйнварда 13.30 сәгатьтә Лахденпох районында була. Фаҗига урыннан кадрларны РЕН ТВ каналы күрсәтте.
Биредә Mitsubishi Lancer һәм Volkswagen Tiguan кара-каршы бәрелешә һәм икесе дә тимер-томыр өеменә әверелә.
Сәламова Mitsubishi Lancer машинасында пассажир утыргычында була. Машина йөртүче дә, Ләйлә дә һәлак була.
Volkswagen Tiguan йөртүчесе һәм аның пассажирлары имгәнә, аларны хастаханәгә илтәләр.
Ләйлә Сәламовага 23 яшь. Ул 2021 елда хай-дайвинг буенча Россия чемпионатында җиңә, диелә хәбәрдә.
- Россия чемпионы, 23 яшьлек Ләйлә Сәламова Карелиядә юл һәлакәтендә үлгән, дип «Татар-информ» хәбәр иткән иде.