Башкортстанның Мәләвез шәһәрендәге Смоленск урамында ике егет коточкыч авариягә очрый. Аларның машинасы тимер-томыр өеменә әверелә. Егетләр могҗиза белән генә исән калган. Бу турыда «Башинформ» хәбәр итте.
ЮХИДИ белешмәсе буенча, Көйөргәзе районында яшәүче 36 яшьлек ир-ат «Камаз» йөк машинасы белән идарә итә. Сул якка борылганда «Камаз» каршыга килә торган «ВАЗ-2109» белән бәрелешә.
Авариядә «ВАЗ-2109» машинасын йөртүче 19 яшьлек егет һәм аның пассажиры бик каты имгәнә, аларны хастаханәгә озатканнар. Егетләр шәһәр буйлап ризык тарату хезмәте белән шөгыльләнүе билгеле.
Тикшерү эшләре бара, диелә хәбәрдә.