Машина номерын кар капласа, ничә сум штраф салалар?
Номерга кар ябыштырып куючыларның машина йөртү таныклыгын да алулар ихтимал.
Машинага куелган дәүләт номерын кар каплаган булса, 500 сум штраф салулары ихтимал. Әгәр номерга махсус рәвештә кар ябыштырылган булса, берничә айга машина йөртү таныклыгын да алулары бар. 5 мең сум штраф белән генә дә котылу — яхшы очракта була. Бу турыда «Татарстан 24» каналы хәбәр итте.
Гадәттә, ЮХИДИ инспекторлары кешенең хәленә керә, беренче тапкыр тоткан очракта кисәтү генә ясап җибәрәләр, диелә хәбәрдә.