Рөстәм хәзрәт Хәйруллин «Гаилә» мәчетенең Ютуб каналында мәрхүмнәрнең ел ашын уздыру турында аңлата.
«Мәрхүмнең еллык Коръән ашын иртәрәк уздырырга ярыймы?» – дип сораганнар хәзрәттән.
«Һиҗри буенча ел кыскарак. Шуңа күрә алдан уздыру ярый.
Без бу сорауларга карата күп тәнкыйть ишетәбез. «Сез «өчесе», «җидесе», «кырыгы» дисез. Аның дәлиле юк», – диләр. Җәмәгать, без үзебезнең әтиләребезгә, әниләребезгә, нәнәйләргә көн дә укытсак, көн дә аш уздырсак, бу – аз булыр. Без барыбер алар биргән әманәтне кире бирә алмыйбыз.
Шуңа күрә, тырышыгыз, уздырыгыз, укытыгыз. Шунда, Аллаһ боерса, ул сезгә, бәлки, кирәкмәстер дә, ләкин сезнең вафат булган туганыгызга кирәк. Алдан уздырсаң, хәерлерәк», – ди хәзрәт.