Март аенда һава торышы нинди булачак?
Һава температурасы климатик нормага якын булачак дип фаразлый синоптиклар.
Март аенда Россиянең Европа территориясендә һава торышы нормада булачак. Бу хакта «Российская газета»га биргән интервьюсында Гидрометүзәк лабораториясе мөдире Людмила Паршина әйтте дип яза «Газета.ру» сайты.
Ул Коми республикасының көнчыгышында һәм көньягында, Киров өлкәсендә, Пермь краенда, Башкортстанда, Себердә һәм Уралда гадәттәгедән җылырак булачак диде.
Чукоткада, Камчаткада, Сахалинда, Хабаровск краеның көньягында һәм үзәгендә, Приморьеда температура климатик нормага якын булачак диде Людмила Паршина.
Мәскәүдә температура нормага якын яки бераз югарырак булачак. Әмма төннәрен -5 градуска кадәр суытырга мөмкин.
