Марий Элда полиция хезмәткәре хәрәкәт итә торган машинаны туктаткан
Автоинспектор исерек йөртүченең руленә ябышырга җай тапкан.
Марий Эл Республикасының Моркинский районында юлда адекват булмаган йөртүче турында ЮХИДИ хезмәткәрләренә хәбәр итәләр. Шаһитлар сүзләренчә, йөртүче исерек була. Бу турыда «Марий Эл» ДТРК хәбәр итте.
Урынга юл-патруль хезмәте вәкилләре бара. Машинаны туктаталар. Йөртүчегә ЮХИДИ машинасына күчеп утырырга әйтәләр. Ләкин машина йөртүче салоннан чыкмый, ул кисәк кенә кузгалып китеп бара.
Автоинспектор машина ишегенә ябышырга өлгерә. Машина аны берничә метр сөйрәп бара. Шул арада автоинспектор рульгә ябышу җаен таба. Машина йөртүче идарәне югалта һәм кар көртенә барып бәрелә.
Соңрак ачыкланганча, машина белән биредә яшәүче 53 яшьлек ир-ат идарә итә. Моңа кадәр ул исерек килеш тоткарлана һәм медицина тикшеренүен узудан баш тарта, шуның өчен җаваплылыкка тартылган.
Хәзер аның машинасын махсус тукталышка илтеп куйганнар, диелә хәбәрдә.