Икенче ашлар, шашлык янына маринадланган суган бик урынлы булачак. Әгәр ул шәмәхә суган да булса, ризыкны тагын да матурайтып, аппетитны уятып җибәрә.
Суганны ярымбоҗра итеп турарга, бер чеметем шикәр комы, тоз салып, кул белән берничә тапкыр сытып алырга кирәк. Аннары аш серкәсе (алманыкы булса тагын да тәмлерәк) салып болгатырга.
Фото: © Гөлүзә Василова
Суганның өстен ябарга һәм 30-40 минут өстәлдә торганнан соң, суыткычка куярга. Аннары икенче аш янына салып бирәсе генә кала.
Фото: © Гөлүзә Василова
