Марина Хлебникова фатирында янгында пешеп беткән, авыр хәлдә хастаханәдә ята
Өч ел элек шушы ук фатирда Марина Хлебникованың элеккеге ире үз-үзенә кул салган булган
Билгеле җырчы Марина Хлебникова узган төндә фатирында янгында һәлак була язган. Аны чак кына коткарып калганнар. Хәзер җырчы хастаханәдә авыр хәлдә ята. Бу турыда РЕН ТВ хәбәр итте.
Хлебникова пешкән, аны ИВЛ аппаратына тоташтырганнар.
Марина Хлебникова ике катлы фатирда яши. Янгын чыкканда өйдә әнисе һәм ире дә була. Җырчыны янгыннан җитәкләп алып чыкканнар, аның анасын носилкага салып алып чыгарга туры килгән.
Җырчының кызы янгын тәмәке аркасында килеп чыккан булуы ихтимал, дип саный. Ул бүлмәдә тәмәке тарта торган булган.
Өч ел элек шушы ук фатирда Марина Хлебникованың элеккеге ире үз-үзенә кул салган булган, диелә хәбәрдә.