«Дуслар, Түбән Камада «Сагынырсың» туры кысаларында йомгаклау концерты булды. Традиция буенча соңгы концертта артист һәм аның командасы сценарийдан «чыга» алмый. Кызык әйберләр күп булды, әмма бигрәк тә музыкантым Альберт Вельгас аерылып торды. Ул концерт турын тәмамлау белән бергә, яраткан гитарасын ватып, карьерасына да нокта куярга булды. Нәрсә эшлим икән аның белән, әйтегез әле», – дип язган җырчы социаль челтәрдәге сәхифәсендә.
«Шулай инде, мин концертыңда булмагач, тәртип бозыла», – дип комментарий калдырган Ильмира Нәгыймова.
«Үзенә игътибар юнәлтергә теләгән һәм популяр да булган», «Мин салют аталар дип торам, монда гитара җимерәләр икән», «Иң мөһиме, идәнгә зыян китермәгән», «Барысы да искиткеч булды, әмма гитара кызганыч», – дип язучылар да бар.
Видео Марат Яруллинның социаль челтәрдәге сәхифәсеннән алынды.