Татар эстрадасында уку елы тәмамлану, чыгарылыш турындагы җырлар ел саен арта. Бу темага җырлаучы Лилия Муллагалиева, Илсөя Бәдретдинова, Зөлфирә Шәйдуллина рәтенә «Сау бул, мәктәп» җыры белән Марат Яруллин да өстәлде. Аны барлык музыкаль мәйданчыкларда тыңларга мөмкин.
Яңа җырның көен Марат Яруллинның дуэтташы Ильмира Нәгыймова язган.
«Сезнең үзегезнең тавышы кыңгырау кебек чыңлый», «Чыгарылыш алдыннан шәп җыр. Бу җырга әле күп биюләр булачак»; «Йөрәккә үтеп керә торган җыр. Иҗат чишмәң саекмасын», – дип хуплап алганнар яңа җырны.
«Яңгырый кыңгырау җыры
Соңгы тапкыр, сау бул, диеп.
Хушлаша ике саф йөрәк
Иреннәр иренгә тиеп...»