Татар эстрадасы җырчысы Марат Яруллин үзенең «буйдак» статусын югалтырга әзер икәнлеген белдергән.
«Мин быел үземнең төп статусым белән аерылышырга әзер», – дип, үзенең «Буйдак» дип исемләнгән яңа концерт программасын карарга чакыра тамашачысын Марат. Җырчы сүзләренчә, концертка килгән бөтен кызларның да аның кәләше булу мөмкинлеге бар. Марат быелгы тамашаларда гаҗәпләнерлек әйберләр күп булачагын да хәбәр итә.
Язылучылары гына һаман шул бер «көйне көйли»: шәхси тормышын бер дә күрсәтмәүче Маратны әле дә Ильмира Нәгыймова белән кавыштыра.
«Кемнеңдер туе булачак. Кем белән икәнлеген дә беләм»;
«Нәгыймова белән инде»;
«Ура, Марат белән Ильмира бәхетле булсын. Алар өчен шатмын»;
«Ниһаять, алар Нәгыймова белән өйләнешәчәкләр»;
«Чынлап? Марат өйләнергә җыенамы?» – дип, ду килеп өйләнештереп куйганнар Марат белән Ильмираны комментарийларда.
Ә сез ничек уйлыйсыз? Марат белән Ильмира Нәгыймова бергәме, әллә инде бу – күзгә төтен җибәрүме?