Марат Яруллин һәм Ильмира Нәгыймованы «Галкин белән Пугачева» дип атаганнар
Инстачылар Ильмира Нәгыймова белән Марат Яруллинны матур пар, ди.
Ильмира Нәгыймова «Яңа Татар җыры» бәйгесеннән Марат Яруллин белән фото куйган. Инстачылар ике артист арасында дуслык кынамы икән дип шик-шөбхә белдерә, Ильмираның өс-киемен тәнкыйтьләүчеләр дә бар.
«Ильмира, җырларың матур, моң бар, тик бул син татар кызы, шәрә тән күрсәтеп чыкма. Үз тәнеңне мыскыл итмә, халык сине татар артисты итеп күрергә тели. Мин сезнең җырларны яратам әмма бот, түш күрсәтеп чыгуыгызны ошатмыйм. Шәрә чыгып чибәрлегегезне бетермәгез», — дип язган Заһирә исемле инстачы.
«Сез матур пар булыр идегез», — дип язучылар да бар.
«Галкин белән Пугачева», — дип язган бер инстачы.
«Бу малай Ильмираның буталчык чагыннан бик нык файдаланды. Молодец, йоклап калганнардан түгел. Өйләнеп тә куйса була», — дип язган Илүзә Халитова.